រឿង ព្រះពាយនិងព្រះអាទិត្យ
(បទពាក្យ ៧)
ព្រះពាយអួតខ្លួនពូកែខ្លាំង ចង់ប្រជែងច្បាំងព្រះអាទិត្យ
យកជ័យជម្នះសម្តែងឫទ្ធិ អ្នកណាខ្លាំងពិតលើលោកា ។
ស្រុះស្រួលយល់ស្របគូភាគី ខ្នះខ្នែងម្នាម្នីរកប្រស្នា
ដោះដូរឲ្យដឹងនូវហេតុការណ៍ ថាតើនរណាឫទ្ធិចម្បង ។
ខណៈនោះមានអ្នកដំណើរ ម្នាក់កំពុងដើរក្បែររបង
ស្លៀកពាក់សង្ហាល្អហ្មត់ហ្មង ខ្យល់ចង់សាកល្បងឫទ្ធិថ្កើងថ្កាន ។
ខ្យល់ដាក់លក្ខខណ្ឌប្រាប់ទៅថ្ងៃ បើនរណាវៃអាចដោះបាន
ខោអាវបុរសចេញពីប្រាណ នុះទើបដឹងបានឫទ្ធិក្រៃលែង ។
ព្រះអាទិត្យយល់ពិតឥតរុញរា ទុកវេលាឲ្យខ្យល់សម្តែង
បញ្ចេញឫទ្ធីបក់ឥតក្រែង ដោះឲ្យរលីងអាវបុរស ។
ពេលខ្យល់បក់ខ្លាំងគេក្រសោប ទាញខោអាវអោបជាប់ទាំងអស់
មិនឲ្យរបូតពីខ្លួនសោះ ខ្យល់ប្រឹងលុះអស់កម្លាំងកាយ ។
ឃើញថាមិនអាចយកឈ្នះបាន ក៏បង្អង់ប្រាណឈប់កែខៃ
ទុកតួនាទីឲ្យទៅ ថ្ងៃ បញ្ចេញបារមីរបស់ខ្លួន ។
ព្រះអាទិត្យផ្លែងឫទ្ធិចាំងរស្មី ចុះកំដៅថ្ងៃក្តៅផ្ទួនៗ
ធ្វើឲ្យអ្នកដើរស្អុះពេញខ្លួន ដោះខោអាវខ្លួនអស់ពីប្រាណ ។
រួចចុះមុជទឹកស្ទឹងនៅក្បែរ រីករាយរហែក្នុងសន្តាន
ត្រជាក់កាយាសែនសុខសាន្ត ថ្ងៃជ្រេទាបបានដើរទៅទៀត ៕
"ការបញ្ចុះបញ្ចូល ជាមធ្យោបាយល្អប្រសើរជាងការបង្ខិតបង្ខំ"
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment