មេស្វាមួយមានកូនពីរ ដែលវាស្រឡាញ់មិនស្មើគ្នា ។ រាល់ពេលទៅ
ណាមកណាម្តងៗ មេស្វានោះតែងតែយកកូន ដែលវាស្រឡាញ់ មក
ឲ្យតោងនៅក្រោមដើមទ្រូងរបស់វា ឯកូនដែលវាមិនសូវស្រឡាញ់ វា
ដាក់ឲ្យតោងនៅពីក្រោយខ្នង ។ មានថ្ងៃមួយនោះ មេស្វាបាននាំកូនវា
ហែលទឹកឆ្លងស្ទឹង ដើម្បីទៅរកបេះផ្លែឈើ នៅឯត្រើយម្ខាង ។ នៅ
ពេលដែលមេស្វាហែលទឹក ទៅដល់ត្រើយម្ខាង វាក៏ស្រាប់តែឃើញ
កូនសម្លាញ់របស់វា ដែលវាដាក់ឲ្យតោងនៅក្រោមដើមទ្រូងវានោះ
ឈប់ដកដង្ហើម និងមានខ្លួនទន់ល្មើយ ។ វេលានោះ មេស្វាក៏ដឹងថា
កូនវាត្រូវបានឈ្លក់ទឹកស្លាប់ នៅក្នុងខណៈដែលវា កំពុងហែលទឹកឆ្លង
ស្ទឹង ។ បន្ទាប់ពីបានយល់ អំពីមូលហេតុ ដែលបណ្តាលឲ្យកូនសម្លាញ់
របស់វាស្លាប់ មេស្វាមានសេចក្តីឈឺចាប់ និងទោមនស្សចំពោះខ្លួនវា
យ៉ាងខ្លាំង ។ វាបានដាក់កូនវាមួយទៀតដែលនៅរស់ ឲ្យអង្គុយនៅលើ
មែកឈើ រួចហើយ វាក៏ឱបកូនសម្លាញ់របស់វា ដែលបានស្លាប់ទៅហើយ
នោះ លោតចូលទៅក្នុងទឹកស្ទឹង សម្លាប់ខ្លួនវាទៅ ៕
No comments:
Post a Comment