រឿង គ្រួសារពីរ
(បទពាក្យ ៨)
គ្រួសារមួយមានកូនដល់ដប់ពីរ រវល់វក់វីនឿយហត់អត់ឈប់
ឪពុកធ្វើការព្រឹកទល់ព្រលប់ ម្តាយធ្វើសព្វគ្រប់កិច្ចការក្នុងផ្ទះ ។
ខំដាំដំណាំចិញ្ចឹមមាន់ទា មើលថែបុត្រភ្ងាហត់នឿយខ្លាំងណាស់
ជីវភាពក្រីក្រតែងតែខាតខ្វះ យ៉ាប់យ៉ឺនលំបាកគ្មានពេលណាល្ហែ ។
មានអ្នកជិតខាងប្រពន្ធនិងប្តី មិនគិតលកលៃយកកូនមួយទេ
ជីវិតពួកគាត់ស្រួលហើយទំនេរ
មិនដែលស្គាល់ទេភាពនឿយឥតស្រាក ។
ពួកគាត់ចំអកឡកឡាយឡែបខាយ
មើលយើងសប្បាយមិនស្គាល់តោកយ៉ាក
ដើរលេងគ្រប់ទីមិនដែលខានអាក់
ទ្រព្យធនលុយកាក់យើងចាយហ៊ឺហា ។
ជាច្រើនខែឆ្នាំចាកផុតកន្លង ជីវិតក៏ឆ្លងដល់វ័យជរា
សុខភាពទន់ខ្សោយថែមមានរោគា លំបាកវេទនាកើតទុក្ខចំបែង ។
តាយាយអត់កូនខិតខំត្រដរ រកឧសដាំស្លរែកទឹកខ្លួនឯង
ពេលមានឈឺថ្កាត់គ្មានអ្នកមកលេង កណ្តោចកណ្តែងកំសត់ឯកា ។
គ្រួសារកូនច្រើនម៉ែឪឥតព្រួយ ដ្បិតមានកូនជួយបម្រើការងារ
តបស្នងសងគុណមាតាបិតា តាមដោយមាត្រាជាកូនកត្តញ្ញូ ៕
បើចង់ឆ្ងាញ់លោកថាឲ្យរកអន្លក់ បើចង់ស្រណុក ត្រូវតែលំបាកពីក្មេង
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment