រឿង កុមារចក់និងដើមឈារី
មានកុមារម្នាក់ឈ្មោះចក់ រស់នៅក្នុងស្រុកវ៉ាស៊ីនតោន នៃសហរដ្ឋអា
មេរិក ។ នៅពេលដែលកុមារចក់មានអាយុ ៧ឆ្នាំ ឪពុកមារបស់ចក់ម្នាក់
ឈ្មោះ ចន បានឲ្យកូនពូថៅមួយមកចក់ សម្រាប់ទុកកាប់កូនឈើតូចៗ
នៅក្បែរភូមិ ដើម្បីយកមកឲ្យម្តាយវា ធ្វើឧសដុតចម្អិនអាហារ ។ ចក់
ស្រឡាញ់កូនពូថៅនោះណាស់ ព្រោះវាស្រាលហើយមុតទៀត ។
ថ្ងៃមួយ ចក់បានយកកូនពូថៅរបស់វា ទៅកាប់កូនឈើមួយចំនួន
ដែលដុះនៅជុំវិញរបងផ្ទះ ។ ចក់មិនបានដឹងថា កូនឈើដែលវាកំពុង
កាប់នោះ ជាដើមឈារី ដែលឪពុកវាបានដាំនោះទេ ។ល្ងាចនោះ នៅ
ពេលដែលឪពុករបស់ចក់ ត្រឡប់មកពីចម្ការវិញ បានឃើញដើមឈារី
ដែលគាត់ដាំ ត្រូវបានគេកាប់ចោលអស់ គាត់មានការខឹងច្រឡោតយ៉ាង
ខ្លាំង ហើយក៏សួររកមុខ អ្នកដែលបានកាប់ដើមឈារីរបស់គាត់ ។ នៅ
ពេលដែលឪពុកចក់ហៅចក់មកសួរ ចក់បានរត់មកឱបជើងរបស់ឪពុកវា
ដោយយំអណ្តឺតអណ្តក ហើយនិយាយថា៖ “ពុក ! កូនមិនអាចកុហក់
ពុកបានទេ” ។ បន្ទាប់ពីបានស្តាប់សម្តីចក់ ឪពុករបស់ចក់ក៏យល់អំពី
អត្ថន័យរបស់វា ។ គាត់បានលើកចក់ពរហើយពោលថា៖ “កូនសម្លាញ់ !
ដើមឈារីទាំងនោះ ថ្លៃមិនស្មើនឹងសម្តីទៀងត្រង់របស់កូនទេ” ៕
សច្ចៈភាពជាអាវុធដ៏ពិសិដ្ឋ សម្រាប់រំងាប់សេចក្តីក្រេវក្រោធ
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment