រឿង កញ្ជ្រោងនិងឆ្មា
(បទ កាកគតិ)
កញ្ជ្រោងនិងឆ្មា ស្វែងរកអាហារ នៅក្នុងព្រៃធំ
វេលាថ្ងៃមួយ ពិគ្រោះជំនុំ ក្រោមដើមរាំងភ្នំ
មានមែកសាខា ។
កញ្ជ្រោងអួតខ្លួន ថាមានល្បិចក្បួន ច្រើនឥតគណនា
អាចគេចសត្រូវ ដេញតាមប្រហារ ក្នុងស្ថានភាពណា
ក៏អត់ព្រួយដែរ ។
ល្បិចរាប់មិនអស់ ជាផ្លូវអាចដោះ សង្គ្រោះរិះរេ
ពេលមានអាសន្ន រួសរាន់គ្នាន់គ្នេរ មិនពិបាកទេ
ផុតទុក្ខផុតព្រួយ ។
ឆ្មាប្រាប់វិញថា រីខ្ញុំនេះណា មានតែផ្លូវមួយ
ផ្លូវនាំក្តីសុខ ដែលជាជំនួយ ផ្លូវខ្ញុំតែងជួយ
រក្សាជីវិត ។
គាប់ជួនពេលនោះ ឮសូរឆ្កែព្រុស តម្រង់មកជិត
ឆ្មាតោងមែកឈើ រាំងភ្នំនៅជិត ពួនទីងងឹត
ផុតភ្នែកសត្រូវ ។
ឆ្មាសួរទៅមិត្ត កញ្ជ្រោងបងគិត ប្រើក្បួនណាទៅ
នេះគឺក្បួនខ្ញុំ គេចភ្នែកសត្រូវ ល្បិចមួយណាទៅ
បងត្រូវយកប្រើ ។
កញ្ជ្រោងស្លន់ស្លោ ឆ្លេឆ្លាឆោឡោ ទន់អស់ដំណើរ
រត់គេចឆ្វេងស្តាំ មិនចាំថាតើ យកល្បិចណាប្រើ
ឲ្យទាន់ស្ថានការណ៍ ។
ត្រូវអ្នកប្រមាញ់ លើកធ្នូព្រួញបាញ់ ក្សិណក្ស័យសង្ខារ
ក្បួនរាប់មិនអស់ អត់ច្បាស់មួយណា ដោះស្រាយបញ្ហា
ជួយខ្លួនមិនបាន ៕
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment