រឿង គង្វាលចៀមនិងចៀមវង្វេងហ្វូង
គង្វាលចៀមម្នាក់ បានឃើញចៀមមួយ ដែលវង្វេងហ្វូងរបស់វា ។
ឃើញដូច្នោះ គាត់មានគំនិតចង់ទាក់យកចៀមនោះ មកធ្វើជាកម្មសិទ្ធិ
របស់គាត់ ។ លុះគិតរួចហើយ គាត់ក៏ហូតយកប៉ី ពីក្នុងហោប៉ៅអាវមកផ្លុំ
ដើម្បីអន្ទងហៅចៀមនោះ ឲ្យរត់ចូលមកនៅជាមួយ ហ្វូងចៀមរបស់
គាត់ ។ ប៉ុន្តែ ចៀមវង្វេងនោះ មិនបានស្តាប់ ឬក៏ធ្វើតាមការអន្ទងហៅ
របស់គាត់ឡើយ ទោះបីជាគាត់ខំផ្លុំប៉ី ហៅវាយ៉ាងណាក៏ដោយ ។ គង្វាល
ចៀមខឹងណាស់ គាត់ក៏រើសដុំថ្មមួយដុំ គប់សំដៅទៅចៀមនោះ បណ្តាល
ឲ្យត្រូវចំស្នែងរបស់វា បាក់ហូរឈាមកក្លាក់ ។ ឃើញដូច្នោះ គង្វាលចៀម
មានការភិតភ័យឥតឧបមា ហើយក៏ចូលទៅអង្វរចៀម កុំឲ្យប្រាប់ម្ចាស់វា
ថាគាត់បានយកដុំថ្ម គប់ត្រូវវាបាក់ស្នែង ។ បន្ទាប់ពីបានស្តាប់ពាក្យអង្វរក
របស់គង្វាលចៀមហើយ សត្វចៀមក៏តបទៅគាត់វិញថា៖ “នែ៎ ! មនុស្ស
ចម្កួត ទោះបីជាខ្ញុំមិននិយាយប្រាប់ម្ចាស់ខ្ញុំក៏ដោយ ក៏ស្នែងរបស់ខ្ញុំដែល
បាក់ទៅនេះ វាអាចនិយាយប្រាប់គាត់បានដែរ” ៕
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment