រឿងល្បើកនិងរឿងនិទាន

រឿង អ្នកនេសាទនិងកូនត្រី

(បទ កាកគតិ)
មានអ្នកនេសាទ               ខិតខំសង្វាត                 រកចាប់មឆ្ឆា
យកមកធ្វើម្ហូប                  ស្ងោរចៀនអាំងឆា        ផ្គត់ផ្គង់គ្រួសារ
                                          ជាប្រក្រតី ។
នៅនាថ្ងៃមួយ                   អ្នកនេសាទព្រួយ           រកមិនបានអ្វី
ខំបង់សំណាញ់                អស់ពេញមួយថ្ងៃ           បានតែកូនត្រី
                                         តូចមួយគួរក្នាញ់ ។
កូនត្រីភ័យណាស់           ប្រឹងរើបម្រះ                    មិនចង់ចុះចាញ់
តែឥតប្រយោជន៍             ក្រឡាសំណាញ់             តូចឆ្មារត្របាញ់
                                         រុំជាប់ស្រកី ។
ពេលដឹងខ្លួនថា               មានគ្រោះមរណា            ជីវិតត្រូវក្ស័យ
កូនត្រីអង្វរ                       អ្នកនេសាទត្រី                ឲ្យអធ្យាស្រ័យ
                                         ដោះលែងវាម្តង ។
ខ្ញុំនៅតូចណាស់              ខ្លួនស្គមសែនខ្មាស់          មិនសមបំណង
ស្បែកដណ្តប់ឆ្អឹង             តូចពេកកន្លង                   ធ្វើម្ហូបសោតផង
                                         មិនឆ្ងាញ់ពិសា ។
បើលោកលែងខ្ញុំ              ថ្ងៃក្រោយធាត់ធំ               មាំមួនកាយា
មានសាច់មានឈាម       ជូនជាអាហារ                   ឆ្ងុយឆ្ងាញ់ពិសា
                                          មិនខុសបំណង ។
ទេៗ ! មិនលែង                អ្នកនេសាទថ្លែង              ប្រាប់ត្រីវិញម្តង
បើលែងឯងទៅ                ពិតខកបំណង                 ថ្ងៃក្រោយកន្លង
                                          ចាប់ឯងពុំបាន ៕

"មានត្រីមួយនៅក្នុងដៃ ប្រសើជាងត្រីម្ភៃនៅក្នុបឹង"