Saturday, September 22, 2012

រឿងល្បើកនិងរឿងនិទាន

រឿង អ្នកប្រមាញ់និងសត្វឆ្កែ

អ្នកប្រមាញ់ម្នាក់ បានរៀបចំខ្លួនចេញទៅបរបាញ់សត្វព្រៃ ជាមួយនិង
ឆ្កែរបស់គាត់ ។ នៅពេលដែលគាត់រៀបចេញដំណើរ គាត់បានឃើញ
ឆ្កែរបស់គាត់ នៅក្រាបក្បែរភ្នក់ភ្លើងនៅឡើយ ។ ឃើញដូច្នោះ គាត់ក៏
ស្រែកជេរឆ្កែគាត់ថា៖ “នែ៎ ! អាកំជិល តើឯងនៅដេកដល់ណាទៀត ?” ។
ឆ្កែឮដូច្នោះ វាក៏ក្រោកឡើងបក់កន្ទុយ ហើយនិយាយទៅកាន់ម្ចាស់វា
វិញថា៖ “លោកម្ចាស់ ! ខ្ញុំបានរៀបចំខ្លួនរួចរាល់ហើយទាន គឺនៅរង់ចាំ
តែលោកម្ចាស់ ចេញដំណើរតែប៉ុណ្ណោះ” ៕

ពាក្យចាស់ពាក្យពីព្រេង                 ទោសខ្លួនឯងមើលពុំយល់
ទោសគេតូចសោតសល់                រមិលយល់ប៉ុនទាំងភ្នំ ។
                                                         (ច្បាប់ពាក្យចាស់)
"មនុស្សយើង តែងតែមើលឃើញកំហុសអ្នកដទៃ ប៉ុន្តែ កម្រមើល
ឃើញកំហុសខ្លួនឯងណាស់"

No comments: