កញ្ជ្រោងមួយបានឃើញក្អែក ឆក់បានសាច់ងៀតមួយដុំ ដែលអ្នកស្រុក
ដាក់ហាលនៅលើរានហាល ។ នៅពេលដែលក្អែកពាំសាច់នោះ ចុះទៅ
ទំនៅលើមែកឈើ កញ្ជ្រោងក៏ដើរមកក្រោមដើមឈើ ហើយពោលថា៖
ឱ ! ខ្លួនខ្ញុំអើយ បានជួបក្អែកហើយ តែគ្មាននិស្ស័យ
បានស្តាប់សំនៀង ក្អែកសត្វបក្សី ដែលខ្ញុំឮល្បី
ថាពិរោះណាស់ ។
ក្អែកឮកញ្ជ្រោងពោលសសើរ ថាវាមានសម្លេងពិរោះ ហើយថែមទាំង
មានចិត្ត ចង់ស្តាប់សម្លេងវាទៀតផង វាក៏ខំប្រឹងបំប៉ោងបំពង់ក ស្រែក
បូលខ្លាំងៗ ។ នៅក្នុងខណៈដែលក្អែកស្រែកបូល វាភ្លេចគិតអំពីសាច់
ងៀត ដែលវាកំពុងពាំនៅក្នុងចំពុះរបស់វា បណ្តាលឲ្យសាច់នោះ ជ្រុះ
ធ្លាក់មកដី ។ ភ្លាមនោះកញ្ជ្រោងក៏ស្ទុះភ្លែត ទៅត្របាក់ស៊ីសាច់ ដែល
របូតជ្រុះពីមាត់ក្អែកមកនោះ អស់រលីង ។ លុះកញ្ជ្រោងស៊ីសាច់ងៀត
អស់ហើយ វាក៏ពោលទៅកាន់ក្អែកថា៖ “បងក្អែក ! បងពិតជាមានសម្លេង
ពិរោះអស្ចារ្យ ក៏ប៉ុន្តែ ទាស់ត្រង់បង មានប្រាជ្ញាខ្លីបន្តិច” ៕
មិនត្រូវជឿពាក្យបញ្ចើចបញ្ចើរបស់មនុស្សដែលស្វែងរកប្រយោជន៍
ផ្ទាល់ខ្លួននោះទេ
No comments:
Post a Comment