Tuesday, September 13, 2016
កំណាព្យ
នឹកស្រុក នឹកស្នេហ៏
ទន្លេបិទ ចិត្តខ្ញុំនឹក រលឹកភូមិ
រការធំ បងនិងម៉ុម ទៅលេងវត្ត
រដូវភ្ជំុ លើកដៃផ្គុំ បួងសួងស្បថ
ស្នេហ៏ប្រាកដ សូមកុំព្រាត់ ឃ្លាតគ្នាឡើយ ។
ជីរោក្រោម ធ្លាប់ប្រលោម ប្រឡែងស្រី
នឹកពេកក្រៃ គ្រាដឹកដៃ ថ្លៃឆ្លងខ្ពប
ចៃដន្យអ្វី គ្រោះចង្រៃ ស្រីដើរលប
ជាន់ចំគ្រប ចំពុះទា វាមុតជើង ។
ឈឺផ្សាក្រៃ ពៅពិសី ឲ្យបងអៀវ
ជើងអូនគៀវ ចង្កេះជាប់ អោបកផង
វាយោបក់ ស្រីងិកង៉ក់ ប្រាប់ឲ្យបង
រកអ្វីចង រុំរបួស ជំនួសស្រី ។
ជីរោលើ យើងធ្លាប់ធ្វើ បុណ្យរួមគ្នា
ពុទ្ធបូជា លើកហត្ថា បួងសួងស្តី
ប្រាប់ទេព្តា ជួយរក្សា ស្នេហ៏ភក្តី
បងនិងស្រី ភ្ជាប់និស្ស័យ លុះក្ស័យជន្ម ៕
Subscribe to:
Post Comments (Atom)
ចំណីខួរក្បាល
នរកប្រាំបួនជាន់ ថ្មីៗនេះ ខ្ញុំបានមើលភាពយន្តឯកសារស្តីអំពីកវីដ៏ល្បីល្បាញមួយរូបរបស់ប្រទេសអ៊ីតាលី គឺលោក ដានតេ អាលីហ្គៀរី (Dante Aligieri) ។ ខ្...
-
ត្រីមួយតម្បុតពីរ បច្ចុប្បន្ន យើងឃើញមានពលរដ្ឋខ្មែរជាច្រើនបានធ្វើអន្តោប្រវេសន៍ ទៅរស់នៅក្នុងប្រទេសនានាដូចជា សហរដ្ឋអាមេរិក បារាំង កាណាដា និង អ...
-
សង្វេគអាចម៍ អាចម៍ជាពាក្យអសុរស ។ អ្នកដែលប្រើពាក្យអាចម៍នៅក្នុងការនិយាយស្តីឬសរសេរ អាចនឹងត្រូវគេស្អប់ដូចអាចម៍ ។ ប៉ុន្តែ ប្រសិនបើយើងយកពាក្យអាចម...
-
ហាត់ប្រាណ និង ហាត់ប្រាជ្ញ ខ្ញុំមិនមែនជាអ្នកសិក្សាផ្នែកវេជ្ជសាស្ត្រទេ ។ ក៏ប៉ុន្តែ ខ្ញុំមានមិត្តភក្តិជាច្រើនដែលមានជំនាញផ្នែកវេជ្ជសាស្ត្រ ។ ផ...
No comments:
Post a Comment