រឿង សត្វកង្កែបនិងអណ្តូងទឹក
កាលពីព្រេងនាយ មានសត្វកង្កែបពីរ មួយឈ្មោះ អូប មួយទៀតឈ្មោះ
អ៊ិត ជាមិត្តសម្លាញ់នឹងគ្នា ។ កង្កែបទាំងពីរ បាននាំគ្នាមករស់នៅ ក្នុង
ត្រពាំងទឹកមួយ ដែលស្ថិតនៅក្បែរភូមិ ទួលកកោះ ។ លុះដល់រដូវប្រាំង
ធាតុអាកាសបានប្រែផ្លាស់ រាំងស្ងួតហួតហែង អស់រយៈពេលដ៏យូរ
បណ្តាលឲ្យទឹកត្រពាំង ដែលជាជម្រករបស់កង្កែបទាំងពីរ រីងខះអស់
រលីង ។ ដោយស៊ូទ្រាំនឹងកំដៅថ្ងៃពុំបាន កង្កែបទាំងពីរ ក៏នាំគ្នាចាក
ចេញពីត្រពាំង ដើម្បីស្វែងរកទីជម្រកថ្មី ។ នៅពេលដែលកង្កែបទាំងពីរ
ធ្វើដំណើរមកដល់ជាយភូមិ ទួលកកោះ ពួកគេបានឃើញអណ្តូងទឹក
មួយ ។ កង្កែបឈ្មោះ អូប ក៏ពោលទៅកាន់អ៊ិតថា៖ “នែ៎អ៊ិត ! អណ្តូង
ទឹកនេះ មើលទៅហាក់ដូចជាត្រជាក់ គួរឲ្យចង់រស់នៅណាស់ ។
យើងគួរតែលោតចូល ទៅរស់នៅក្នុងអណ្តូងនេះតែម្តងទៅ” ។ ឮ
ដូច្នោះ កង្កែបឈ្មោះ អ៊ិត ដែលមានគំនិតឆ្លាតវាងវៃនោះ បានឆ្លើយ
តបទៅអូបវិញថា៖ “អូបអ្ហ៎ាះ ! អូបឯងគិតនោះ ពិតជាត្រឹមត្រូវហើយ ។
ក៏ប៉ុន្តែ ប្រសិនបើទឹកដែលនៅក្នុងអណ្តូងនេះ បានរីងខះអស់ ដូចជា
ទឹកត្រពាំង ដែលយើងធ្លាប់រស់នៅនោះដែរ តើយើងអាចលោតចេញ
ពីក្នុងអណ្តូងនេះ មកវិញបានដែរឬទេ ?” ។ “ប្រហែលជាលោតចេញ
មកវិញ មិនបានទេ” អូបឆ្លើយ ។ “បើអញ្ចឹង” អ៊ិតនិយាយបន្ត “បន្ទាប់
ពីយើងលោតចូលទៅ យើងប្រាកដជាស្លាប់ចោលឆ្អឹង នៅក្នុងអណ្តូង
នេះ ដោយសារការអត់ទឹក អត់ចំណីជាមិនខាន” ៕
Subscribe to:
Post Comments (Atom)
ចំណីខួរក្បាល
ដូណាល់ ត្រាំ និង ស្ថានភាពនយោបាយអាមេរិក ចាប់តាំងពីលោក ដូណាល់ ត្រាំ ឡើងកាន់តំណែងជាប្រធានាធិបតីនៃសហរដ្ឋអាមេរិកមក ភាពច្របូកច្របល់មិនត្រឹមតែកើត...
-
រឿង តោនិងក្របីព្រៃ តោមួយបានដើរស្វែងរកអាហារ នៅក្បែរមាត់ព្រៃ ។ នៅពេលវាដើរ មកដល់ក្បែរមាត់បឹងមួយ វាបានឃើញក្របីព្រៃឈ្មោលចំនួនបួន កំពុង ឈរស៊ីស...
-
រឿង ក្មេងប្រុសនិងសត្វកង្កែប មានក្មេងប្រុសមួយក្រុម បាននាំគ្នាទៅរត់លេង នៅក្បែរមាត់ត្រពាំងមួយ ដែលមានសត្វកង្កែបជាច្រើនរស់នៅ ។ បន្ទាប់ពីពួកគេរត...
-
ស្មន់ (Inbreeding) នៅពេលមនុស្សព្យាយាមសង្គ្រោះសត្វព្រៃដែលមានហានិភ័យដាច់ពូជ មនុស្សរមែងស្វែងរកសត្វដែលមានអម្បូរដូចគ្នានោះ យកមកអំពីទីឆ្ងាយដាច់អ...
No comments:
Post a Comment